रातभरि जाग्छन् महिला

हालै गरिएको एक सर्वेक्षणअनुसार पति-पत्नी दुवैले जागिर गर्दा रातिको समय बच्चालाई हेरचाह गर्न पत्नीले नै निद्राको बलि दिनुपर्ने हुन्छ । मिचिगन विश्वविद्यालयका अनुसन्धानकर्ताले नयाँ अनुसन्धानमा जागिर गर्ने बुबाको दाँजोमा जागिर गर्ने आमाले नै राति बच्चालाई स्याहार गर्न आपmनो निद्रा बिगार्नुपर्ने औंल्याएको छ । 

बच्चाहरूका कारण जब राति महिला उठ्छन्, उनीहरू औसत ४४ मिनेटपछि सुत्न पाउँछिन्, जबकि यसको दाँजोमा पुरुष ३० मिनेटमा सुत्छन् । प्रमुख अनुसन्धानकर्ता साराह बर्गर्डका अनुसार निद्रा तोडेर रातभर जाग्ने भार धेरैजसो महिलामै पर्ने गरेको छ । यसले गर्दा महिलाको स्वास्थ्यमा मात्र प्रतिकूल प्रभाव पर्दैन उनीहरूको कमाइ र करिअरमा समेत प्रभावित तुल्याउँछ । अनुसन्धानकर्ताहरूले अमेरिकाको जनसंख्या ब्युरोबाट सन् २००३ देखि सन् २००७ सम्मका २० हजार कामकाजी पुरुषको तथ्यांक एकत्रित गरेका थिए ।