निर्वस्त्रताका लागि लडाइँ

अमेरिकाको न्युयोर्क सहर निर्वस्त्र हुने विषयमा कहिले कठोर हुन्छ भने कहिले उदार हुन्छ। यो लडाइँ विगत दुई दशकदेखि चलिरहेको छ। स्थानीय राज्यको कानुनले महिला र पुरुषलाई समान मानेको र पुरुषले कम्मरभन्दा माथिको भाग देखाएर हिँड्डुल गर्न पाउने भएपछि महिलाले पनि उक्त अधिकारको प्रयोग गरेका थिए, तर प्रहरीले पुरुषको छातीभन्दा महिलाको छाती संवेदनशील हुने भएकाले महिलाले निर्वस्त्र हुन नहुने जिकिर गरिरहेको छ।

सन् १९९२ मा दुई युवतीलाई निर्वस्त्र हिँडेको अभियोगमा पक्राउ गरेपछि यो बहस प्रारम्भ भएको थियो। सन् २००५ मा छाती देखाएर हिँड्ने एक महिलालाई पक्राउ गरेपछि उनले २९ हजार डलर क्षतिपूर्ति तिर्नुपरेको थियो। न्युयोर्कमा प्रहरीको मुडअनुसार महिलाले निर्वस्त्र हिँड्न पाउने भएपछि अधिकारवादी महिलाहरू कानुनमा समानता ल्याउनुपर्ने माग गरिरहेका छन्। यसका लागि उनीहरूले आगामी अगस्ट २१ मा स्थानीय प्रशासनलाई दबाब दिन महिलाहरूलाई निर्वस्त्र हुन आह्वानसमेत गरेका छन्।