हुने होइन स्टाइलिस ?

 
स्टाइलिस्ट बाइक, साथमा गर्लफ्रेन्ड, हातमा ल्यापटप, कानमा तार, पकेटमा मल्टिफंक्सनल मोबाइल आजका युवाहरूको रहर भने पनि बाध्यता भने पनि यिनै हुन्। कुनै बेला हाम्रो समाजमा एउटा उखान प्रचलित थियो- रातो राम्रो गुलियो मिठो बैंस छँदाखेरि। यो उखान अझै पनि सार्थक छ तर त्यससँगै प्रविधिले उपलब्ध गराएका ग्याजेटहरू पनि जोडिएर आएका छन्। युवाहरूको यस्ता रहरहरूलाई प्रविधिले थप उचाइ दिएको मात्र नभै त्यसलाई सजिलैसँग पूरा गर्न सकिने आधारहरूसमेत उपलब्ध गराएको छ। आजको युगमा हामी मोबाइलबिनाको जीवन ल्यापटपबिनाको दैनिकी र मोटरसाइकलबिनाको घुमफिरको कल्पना गर्न सक्दैनौँ। मोबाइल, बाइक र ल्यापटपको सर्वव्यापकता देखेर कतिलाई लाग्दो हो- आजका युवाहरु विलासी हुँदै गएका छन्, तर तिनको उपयोगितालाई हेर्ने हो भने जोकसैले पनि तिनको आवश्यकता अनुभव गर्न सक्छन्। कुनै बेला कल्पनाको संसारमा सीमित हाते फोन यतिबेला यथार्थमात्र होइन अनिवार्य आवश्यकता हुन पुगेको छ भने काखे कम्प्युटरले मानिसलाई क्षणभंगुरको महत्त्व अवगत गराइरहेको छ। अझ स्टाइलिस बाइकको के कुरा गर्नु ? यो साधन यात्रा वा सफरका लागि होइन, आफ्नो रहरलाई पखेटा दिने माध्यम भएको छ। आजका यिनै यान्त्रिक ग्याजेटका बारेमा