पहिलो विश्व

विद्यालयको साम्बा

ब्राजिलको लोकपि्रय साम्बा नृत्य प्रस्तुत गर्ने महोत्सव राजधानी रियो दि जेनेरियोमा सम्पन्न भएको छ । साम्बा नृत्यसम्बन्धी प्रशिक्षण दिने विद्यालयले आयोजना गरेको उक्त प्रतियोगिता हेर्न रंगशालामा करिब १ लाख मानिस उपस्थित थिए ।

महिला दूध आइसक्रिममा छड्के

लन्डनमा हालै सञ्चालनमा आएको महिलाको दूधद्वारा निर्मित आइसक्रिमको बिक्री-वितरणमा स्थानीय प्रशासनले प्रतिबन्ध लगाएको छ । बेबी गागा नामको उक्त आइसक्रिम वितरणमा आएपछि प्रशासनले त्यसको गुणस्तरप्रति चासो देखाउँदै बिक्रीमा उक्त  प्रतिबन्ध लगाएको हो । मानिसको दूधबाट विभिन्न किसिमका भाइरस र हेपाटाइटिसजस्ता रोग सर्न सक्ने देखिएपछि प्रशासनले त्यसको गुणस्तर परिक्षण गर्न बिक्रीमा प्रतिबन्ध लगाएको बताइन्छ । विक्रेता आइरक्रिमिस्टले भने दूधको परीक्षण गरेर मात्र आइसक्रिम  बनाउने गरेको बताएका छन् । उक्त कम्पनीले निर्धारण गरेको भाडामा महिलाले आफ्नो दूध जम्मा गरेर कम्पनीलाई बुझाउनुपर्छ । कम्पनीले प्रतिबोतल १ हजार ६ सय रुपैयाँभन्दा बढीमा दूध खरिद गर्दै आएको छ ।

बेलायतको कानुनअनुसार मानिसको दूधबाट बनेको परिकार बिक्री गर्नुलाई गैरकानुनी नमानिने हुँदा यसको बिक्रीलाई कुनै किसिमको रोक नलाग्ने कम्पनीले जनाएको छ । अहिले यो कम्पनीलाई भिक्टोरिया हिलीले दूध आपूर्ति गर्दै आएकी छिन् । दैनिक ३० बोतल  दूध आपूर्ति गर्दै आएकी भिक्टोरियाको दूधबाट ५० जनालाई पुग्ने आइसक्रिम उत्पादन हुने गरेको छ । कम्पनीले अनलाइनमार्फत पनि महिला दूधको माग गरिरहेको छ । आइसक्रिम पार्लरले अहिले बेबी गागा आइसक्रिमका साथमा दूध पनि बिक्री गर्न थालेको छ ।



कुक चाहियो

हङकङबाट प्रसारण भैरहेको एक वयष्क टेलिभिजनको परिकारसम्बन्धी कार्यक्रम सञ्चालन गर्न महिला कुक चाहिएको सूचना आएको छ । फ्लोरा चेङद्वारा सञ्चालित ३० मिनेटको उक्त कार्यक्रममा उनी लुगा लगाएर प्रस्तुत हुन्थिन् । चेङद्वारा सञ्चालित उक्त  कार्यक्रम लोकपि्रय थियो । उनी घरमा पुरुषले पनि खानेकुरा बनाउनुपर्छ भन्ने मान्यताको विकास गर्न चाहन्थिन् । अहिले निर्माताले कार्यक्रमलाई अझ रोमाञ्चक र लोकपि्रय बनाउन कुकले लगाउने पोसाकमा परिवर्तन गर्ने सोच ल्याएका छन् । उनको सो चअनुसार कुकले पारदर्शी एप्रोन लगाएर खानेकुरा निर्माण गर्नुपर्नेछ । यो कार्यक्रमको प्रसारण भएपछि पुरषको पनि कार्यक्रमप्रति आकर्षण बढ्ने विश्वास टेलिभिजनको छ ।



महिला यौन दिवस मनाइयो

विश्वभर विभिन्न दिवस मनाइने क्रममा यो वर्षदेखि महिला यौन दिवस पनि थपिएको छ । पहिलो वर्ष भएका कारण खासै चर्चामा आउन नसकेको यो दिवसको विषय र उद्देश्यहरूका बारेमा इन्टरनेटमा भने प्रशस्तै चर्चा भयो । महिलाहरूले आफ्नो यौनलाई  सधंै गुम्स्याएर राखेका हुन्छन्, उनीहरू आफ्नो यौन समस्या र आनन्दलाई पुरुषहरूले झंै खुलेर व्यक्त गर्न सकिरहेका हुँदैनन् भन्ने मान्यतालाई पच्छयाउँदै आएका महिलाहरूले यो दिवसको प्रारम्भ गरेका हुन् । यौन लेखिका र्‍याविट राइटले आफ्नो वेबसाइट  तथा टि्वटरमार्फत् महिलाको यौन समस्यालाई खुलेर व्यक्त

गराएकी थिईन् ।



अन्त्यमा...

 
यौनलाई लिएर सर्वाधिक बढी हिंसा कहाँ हुन्छ भनेर इन्टरनेसनल मेन एन्ड जेन्डर इक्विलिटीले गरेको सर्वेक्षणमा भारत शीर्ष स्थानमा देखा परेको छ । उक्त सर्वेक्षणअनुसार भारतमा प्रत्येक ४ जना पुरुषमा एक जनाले महिला माथी यौनजन्य हिंसा गर्छन् भने  प्रत्येक ५ लोग्नेमध्ये एक जनाले आफ्नो श्रीमतीलाई यौनसम्पर्क गर्न बाध्य तुल्याउँछ । १८ वर्ष देखि ५९ वर्ष उमेरका करिब ११ हजारभन्दा बढी महिलामा गरिएको सर्वेक्षणअनुसार सबैभन्दा कम यौन हिंसा ब्राजिलमा २ प्रतिशत हुने गरेको पाइयो भने चिली,  क्रोएसिया र रुवान्डामा ९ प्रतिशत महिला हिंसा हुने गरेको पाइयो । श्रीमती र महिला साथीहरूसँग यौनसम्बन्धका बेला सम्मान गर्नेमा क्रोएसियनहरू शीर्ष स्थानमा देखा परे । त्यहाँका ८२ प्रतिशत पुरुषले महिलालाई यौनसम्पर्कका लागि सम्मान प्रकट गर्ने गरे को पाइयो भने ब्राजिल, चिली र मेक्सिकोका ५० प्रतिशत पुरुषले मात्र महिलालाई सम्मान गर्ने गरेको पाइयो । सर्वेक्षणमा भारतका ६५ प्रतिशत पुरुष परिवारको सम्बन्ध बिगि्रन नदिन पनि महिलाले यौनजन्य हिंसाहरू सहनुपर्ने मान्यता राखेको देखियो । विभिन्न ६  देशमा गरिएको सर्वेक्षणमा भारतका पुरुषहरू यौनजन्य हिंसाको क्षेत्रमा सर्वाधिक बढी अपराध गर्ने व्यक्तिको सूचीमा परेका छन् । घरमा हिंसा गर्ने पुरुषहरू बाहिर कुनै पनि किसिमको हिंसा नगर्ने किसिमका समेत देखिए ।