कुन हो सही उमेर ?
यौन विशेषज्ञहरूका अनुसार यौनमा उत्तेजनालाई एउटा निश्चित उमेर सीमामा बाँध्नु गलत हुन्छ, किनभने यो व्यक्ति विशेषको इच्छामा भर पर्ने कुरा हो र यो दम्पत्तीको आपसी समझदारीमाथि नै निर्भर गर्छ । उमेरअनुसार हेर्ने हो भने पुरुषको यौन इच्छा र यौन शक्ति १६ देखि २७-२८ वर्षको उमेरसम्म चरम सीमामा हुन्छ भने महिलाहरूमा यौन इच्छा २५ देखि ३५ वर्षको उमेरमा चरम सीमामा रहन्छ ।
कति ग्याप हुनु ठीक ?
यौनविशेषज्ञहरूका अनुसार श्रीमान-श्रीमतीकाबीच २-३ वर्षको अन्तर राम्रो हुन्छ । त्यसभन्दा बढी अन्तरले यौन जीवन प्रभावित हुने सम्भावना हुन्छ । उदाहरणका लागि यदि विवाहका बेला युवकको उमेर ३० वर्ष र युवतीको उमेर २१ वर्ष छ भने विवाहको सुरुवाती ४-५ वर्षसम्म कुनै समस्या हुँदैन तर जब पुरुष ४० वर्षको हुन्छ र महिलाले ३० वर्षको उमेर पार गरिरहेकी हुन्छिन् तब यौन जीवनमा समस्या देखा पर्न सक्छ । कारण उमेरको यो अवस्थासम्म पुग्दा-पुग्दै पुरुषको यौनसक्रियता पहिलेजस्तो रहँदैन भने महिलाहरू त्यतिबेला यौनका दृष्टिकोणले बढी सक्रिय हुन्छन् । यस स्थितिमा एकअर्कालाई सन्तुष्ट गर्न समस्या आउँछ । विशेषज्ञहरूका अनुसार विवाहको तीन वर्षपछि नै श्रीमान-श्रीमतीले आफ्नो यौन जीवनलाई वास्तविक आनन्द अनभुव गर्न थाल्छन् । यति समय एकअर्कालाई बुझ्न तथा महिलालाई परिपक्व हुन पनि लाग्छ ।
पुरुष उमेरमा जेठो भए
यदि श्रीमान्को उमेर धेरै बढी भए, उनीहरूको यौनचाहनाले मेल नखान सक्छ । कारण विवाहको सुरुवाती वर्षमा महिलालाई यौनभन्दा बढी भावनात्मक सुरक्षा र प्रेमको आवश्यकता पर्छ, जबकि उमेरले जेठो पुरुषले यौनसन्तुष्टिमा बढी जोड दिन्छ । यस स्थितिमा पुरुष यदि महिलालाई भावनात्मक सहयोग दिन असमर्थ भयो भने महिलाले उक्त पुरुषसित आफ्नो आत्मीयता र लगाव महसुस गर्न सक्दिनन् । फलस्वरूप उनीहरूको यौन जीवन त्यति रोमान्चक हुँदैन र विवाहको केही वर्षपछि जब महिला यौनका द ृष्टिकोणले सक्रिय हुन थाल्छिन् र श्रीमानको नजिक हुन चाहन्छिन् तब बढ्दो उमेरका कारण पुरुषको यौनइच्छा घट्न थालिसकेको हुन्छ ।
महिला उमेरमा जेठी भए
यदि श्रीमतीको उमेर बढी भए उनीहरूबीचको अवस्था थोरै फरक हुन्छ । बढी उमेरमा महिला यौन र भावनात्मक रूपमा परिपक्व हुन्छन् र उनीहरू आफ्नो यौनसाथीलाई सन्तुष्ट राख्न सक्छन् । यस प्रकारको सम्बन्धमा पुरुषले पनि महिला यौनसाथीलाई सन्तुष्ट राख्न सक्छन्, अतः दम्पती आफ्नो यौनजीवनलाई सन्तुष्ट तुल्याउन सक्छन् ।
यदि दुवैको उमेर बराबर भए
यदि श्रीमान-श्रीमती दुवैको उमेर समान भए वा दुवैको उमेरमा धेरै अन्तर नभए उनीहरूको यौन जीवन धेरै राम्रो र सुमधुर हुन्छ । दुवैको आवश्यकता र चाहना एक समान हुन्छ त्यसैले दुवैले एकअर्कालाई सन्तुष्ट राख्न सक्छन् ।
उमेर र यौन
१४ देखि २१ वर्षको उमेरसम्म यौनसँग सम्बन्धित रसायन उच्च अवस्थामा हुन्छ । यसबेला सबैभन्दा बढी शारीरिक परिवर्तन हुन्छ । २१ देखि २८ वर्षको उमेरसम्म यौन क्षमता र इच्छा सबैभन्दा बढी हुन्छ । प्रायः युवायुवतीको विवाह यही उमेरमा हुन्छ । २८ देखि ३५ वर्षको उमेर नै यौनका लागि सर्वोत्कृष्ट समय हो । यस बेला सबै जोडी यौन जीवनको सबैभन्दा बढी आनन्द अनुभव गर्छन् । ३५ देखि ४१ वर्षको
उमेरसम्मको समयमा बढ्दो तौल र बिमारीका कारण बिस्तारै यौनप्रतिको रुचि कम हुन थाल्छ । ४२ देखि ४९ वर्षको उमेरमा यौन इच्छा तीव्र रूपमा कम हुन पुग्छ । महिलाहरूमा यौनअनिच्छा र पुरुषमा सक्रियताको स्तरमा कमी आउनाले यौन इच्छामा कमी आउन थाल्छ । ४९ वर्षको उमेरपश्चात् व्यक्तिविशेषको इच्छा र फिटनेसमा उसको यौन जीवन निर्भर हुन्छ । यदि व्यक्तिले स्वयंलाई शारीरिक एवं मानसिक रूपलाई फिट राख्छ भने उसले लामो समयसम्म यौन जीवनको आनन्द उठाउन सक्छ ।
लन्डनमा हालै सञ्चालनमा आएको महिलाको दूधद्वारा निर्मित आइसक्रिमको बिक्री-वितरणमा स्थानीय प्रशासनले प्रतिबन्ध लगाएको छ । बेबी गागा नामको उक्त आइसक्रिम वितरणमा आएपछि प्रशासनले त्यसको गुणस्तरप्रति चासो देखाउँदै बिक्रीमा उक्त प्रतिबन्ध लगाएको हो । मानिसको दूधबाट विभिन्न किसिमका भाइरस र हेपाटाइटिसजस्ता रोग सर्न सक्ने देखिएपछि प्रशासनले त्यसको गुणस्तर परिक्षण गर्न बिक्रीमा प्रतिबन्ध लगाएको बताइन्छ । विक्रेता आइरक्रिमिस्टले भने दूधको परीक्षण गरेर मात्र आइसक्रिम बनाउने गरेको बताएका छन् । उक्त कम्पनीले निर्धारण गरेको भाडामा महिलाले आफ्नो दूध जम्मा गरेर कम्पनीलाई बुझाउनुपर्छ । कम्पनीले प्रतिबोतल १ हजार ६ सय रुपैयाँभन्दा बढीमा दूध खरिद गर्दै आएको छ । 
हङकङबाट प्रसारण भैरहेको एक वयष्क टेलिभिजनको परिकारसम्बन्धी कार्यक्रम सञ्चालन गर्न महिला कुक चाहिएको सूचना आएको छ । फ्लोरा चेङद्वारा सञ्चालित ३० मिनेटको उक्त कार्यक्रममा उनी लुगा लगाएर प्रस्तुत हुन्थिन् । चेङद्वारा सञ्चालित उक्त कार्यक्रम लोकपि्रय थियो । उनी घरमा पुरुषले पनि खानेकुरा बनाउनुपर्छ भन्ने मान्यताको विकास गर्न चाहन्थिन् । अहिले निर्माताले कार्यक्रमलाई अझ रोमाञ्चक र लोकपि्रय बनाउन कुकले लगाउने पोसाकमा परिवर्तन गर्ने सोच ल्याएका छन् । उनको सो चअनुसार कुकले पारदर्शी एप्रोन लगाएर खानेकुरा निर्माण गर्नुपर्नेछ । यो कार्यक्रमको प्रसारण भएपछि पुरषको पनि कार्यक्रमप्रति आकर्षण बढ्ने विश्वास टेलिभिजनको छ । 
विश्वभर विभिन्न दिवस मनाइने क्रममा यो वर्षदेखि महिला यौन दिवस पनि थपिएको छ । पहिलो वर्ष भएका कारण खासै चर्चामा आउन नसकेको यो दिवसको विषय र उद्देश्यहरूका बारेमा इन्टरनेटमा भने प्रशस्तै चर्चा भयो । महिलाहरूले आफ्नो यौनलाई सधंै गुम्स्याएर राखेका हुन्छन्, उनीहरू आफ्नो यौन समस्या र आनन्दलाई पुरुषहरूले झंै खुलेर व्यक्त गर्न सकिरहेका हुँदैनन् भन्ने मान्यतालाई पच्छयाउँदै आएका महिलाहरूले यो दिवसको प्रारम्भ गरेका हुन् । यौन लेखिका र्याविट राइटले आफ्नो वेबसाइट तथा टि्वटरमार्फत् महिलाको यौन समस्यालाई खुलेर व्यक्त
परिवार नियोजनका अधिकांश उपाय महिलाहरूमा मात्र केन्दि्रत हुँदै आएको छ । सन्तान उत्पादनमा महिला तथा पुरुषको उत्तरदायित्व समान भए पनि स्थायी/अस्थायी परिवार नियोजनका उपायहरूमध्ये महिलाले प्रयोग गर्ने बढी छन् । यही असमानता हटाउन बेलायतको एडिनबरा युनिभर्सिटीका वैज्ञानिकहरू सफल भएका छन् । परीक्षणका रूपमा रहेको उक्त सुईले पुरुषहरूको शुक्रकीटमा कमी ल्याइ प्रजनन् क्षमता रो केको पाइएको छ । यो सुईमा केही सुधार गरेर चाँडै नै अन्तर्राष्ट्रिय बजारमा ल्याइनेछ । 
