निर्वस्त्र सडक नाटक गर्दा गिरफ्तार

 
हालै पोल्यान्डमा सम्पन्न एक सांगीतिक महोत्सवमा सहभागी भएको फ्रान्सको नाट्य समूह निर्वस्त्र भएपछि कार्यक्रममा प्रहरीले हस्तक्षेप गरेको छ। पोल्यान्डको पोज्नानमा वाषिर्क रूपमा आयोजना हुँदै आएको माल्टा महोत्सवलाई रोमाञ्चक बनाउन आयोजकले फ्रान्सको सडक नाट्य समूहलाई निमन्त्रणा गरेको थियो।

उक्त नाट्य समूहले निर्वस्त्र नाटक प्रदर्शन गरेपछि प्रहरीले हस्तक्षेप गर्दा केही बेर कार्यक्रम अवरुद्धसमेत भएको थियो। महोत्सवमा सहभागीहरूको संख्या अत्यधिक देखेर प्रहरीले थप बल लगाएर हस्तक्षेप गरेको कार्यक्रमका एक सहभागीले बताए। हस्तक्षेप गर्नुको कारण स्पष्ट गर्दै प्रहरीले भन्यो- नाट्य कार्यक्रमका लागि स्टेज पनि थिएन। मानिसहरूको भीडमा निर्वस्त्र प्रदर्शन भैरहेको देखेर हस्तक्षेप गरिएको हो। प्रहरीले सडक नाटक स्टेजबिना प्रदर्शन गरिने कुरा थाहा नपाएको पनि जनाएको छ, तर पनि सार्वजनिक स्थलमा निर्वस्त्र प्रदर्शन गर्न नपाइने हुनाले हस्तक्षेप गरिएको प्रहरीको जिकिर छ।